Whoscored.com-ը ներկայացրել է գերմանական «Ռեգենսբուրգի» հարձակվող Սարգիս Ադամյանի վիճակագրությունը «Սանկտ-Պաուլիի» դեմ երկրորդ Բունդեսլիգայի 31-րդ տուրի խաղում:
Հայաստանի ազգային հավաքականի ֆուտբոլիստը դարպասի ուղղությամբ կատարել է 3 հարված, որոնցից մեկն ավարտվել է դարպասի գրավումով: Նրա 26 փոխանցումներից թիմակիցներին հասել է 76.9 տոկոսը: 24-ամյա հարձակվողը կատարել է 2 առանցքային փոխանցում, մեկական անգամ հաղթել օդային պայքարում ու հայտնվել խաղից դուրս վիճակում եւ 2-ական անգամ խլել գնդակն ու շրջանցել մրցակցին:
Ադամյանը կանոնները խախտել է 1 անգամ, իսկ նրա դեմ պայքարում մրցակիցը կանոնների խախում թույլ չի տվել: Արդյունքում՝ նա ստացել է 7.91 գնահատականը, իսկ «Ռեգենսբուրգի» կազմում ամենաբարձրը գնահատվել է գերմանացի հարձակվող Մարկո Գրյուտների խաղը՝ 8.68:
Հիշեցնենք, որ «Ռեգենսբուրգն» այդ խաղում տնային հաղթանակ էր տարել 3:1 հաշվով, իսկ Սարգիս Ադամյանը մեկնարկային կազմում հանդես էր եկել 88 րոպե: 20-րդ րոպեին նա գլխի հարվածով հաշիվը դարձրել էր 2:0 (տեսանյութ):
Հետևեք NEWS.am SPORT-ին Facebook-ում, Twitter և Telegram-ում