17:27  ,  9 մարտի, 2018

Չեմպիոնների լիգա. Ռոնալդուն՝ շաբաթվա լավագույն խաղացող

Չեմպիոնների լիգայի 1/8 եզրափակիչի պատասխան հանդիպումների արդյունքում, շաբաթվա լավագույն խաղացող է ճանաչվել Մադրիդի «Ռեալի» պորտուգալացի հարձակվող Կրիշտիանու Ռոնալդուն, որը գոլի հեղինակ էր դարձել ֆրանսիական ՊՍԺ–ի դեմ խաղում։ Արքայական թիմը հաղթել էր 2։1 հաշվով եւ դուրս եկել քառորդ եզրափակիչ։ ՈւԵՖԱ–ի պաշտոնական կայքում անցկացված քվեարկությունում Ռոնալդուն ստացել է ձայների 55 տոկոսը։ Ռոնալդուն Չեմպիոնների լիգայի ընթացիկ մրցաշարում 12 գոլ է խփել։

Շաբաթվա լավագույն խաղացողի կոչմանը հավակնում էին նաեւ «Յուվենտուսի» հարձակվող Գոնսալո Իգուաինը, «Մանչեսթեր Սիթիի» հարձակվող Լերոյ Սանեն եւ «Լիվերպուլի» կիսապաշտպան Ջեյմս Միլները, որը 25 տոկոսով զբաղեցրել է երկրորդ տեղը։

Հետևեք NEWS.am SPORT-ին Facebook-ում, Twitter և Telegram-ում