Լոնդոնի «Արսենալի» նիգերիացի կիսապաշտպան Ալեքս Իվոբին գովեստի խոսքեր է ասել իր ակումբակիցներ Հենրիխ Մխիթարյանի եւ Պյեր-Էմերիկ Օբամեյանգի հասցեին: «Էվերտոնի» դեմ Անգլիայի առաջնության 26-րդ տուրի խաղում Հայաստանի հավաքականի կիսապաշտպանն առաջին անգամ հանդես էր եկել «Արսենալի» մեկնարկային կազմում եւ դարձել էր 3 գոլային փոխանցման հեղինակ, իսկ գաբոնցի հարձակվողը Արսեն Վենգերի գլխավորած թիմում նորամուտը նշեց գոլով:
«Ինքներդ տեսնում եք, որ Օբամեյանգը խաղում է անհավանական տեմպով եւ ունի հրաշալի գոլային «հոտառություն»: Երջանիկ ենք, որ նա մեր թիմում է:
Ինչ վերաբերում է Հենրիխ Մխիթարյանին, ապա մենք նրա լավագույն որակները տեսել էինք մարզումներին, եւ նման բան սպասում էինք նաեւ հանդիպման ժամանակ: Նա պարզապես անհավանական խաղացող է: Առջեւի գծում ունենալով այդպիսի խաղացողներ՝ մենք միշտ կստեղծենք գոլային պահեր»,- Ալեքս Իվոբիի խոսքը մեջբերում է «Արսենալի» կայքը:
Հիշեցնենք, որ Լոնդոնում կայացած խաղում «Արսենալը» հաղթել էր 5:1 հաշվով, իսկ Whoscored.com-ը Մխիթարյանին ճանաչել էր հանդիպման լավագույն խաղացող:
Ֆոտո՝ arsenal.com
Հետևեք NEWS.am SPORT-ին Facebook-ում, Twitter և Telegram-ում
16:05 , 10 մայիսի 
15:58 , 10 մայիսի 
15:02 , 10 մայիսի 
14:27 , 10 մայիսի 
14:11 , 10 մայիսի 
13:14 , 10 մայիսի 
12:45 , 10 մայիսի 
12:39 , 10 մայիսի 
12:04 , 10 մայիսի 
11:42 , 10 մայիսի 
