Դետրոյտի «Պոնտիակ Սիլվերդոմ» ստադիոնի պայթեցումը ձախողվել է

Ամերիկյան ֆուտբոլի ազգային լիգայի «Դետրոյտ Լայոնս» ակումբի նախկին ստադիոն «Պոնտիակ Սիլվերդոմի» պայթեցումը ձախողվել է, հաղորդում է WXYZ-TV Detroit -ը:

Մոտ 10 տարի չօգտագործված ստադիոնի պայթեցման համար նախատեսված ականապատումը չի տվել ցանկալի արդյունքը: Պայթեցման պատասխանատուները խոստովանել են, որ կառույցը շատ ավելի ամուր է եղել ենթադրածից: Ականների հզորությունը բավարար չի եղել:

1975 թվականին բացված ստադիոնը նախատեսված է եղել 82 հազար հանդիսականի համար: Շինարարության ծախսը կազմել է 55 միլիոն դոլար (արժեզրկման հաշվարկով 2016-ին՝ 248 միլիոն դոլար): 

Հետևեք NEWS.am SPORT-ին Facebook-ում, Twitter և Telegram-ում