Ֆուտբոլի Ուկրաինայի առաջնության 11-րդ տուրում Պոլտավայի «Վորսկլան» 3:0 հաշվով արտագնա հաղթանակ տարավ Օդեսայի «Չեռնոմորեցի» նկատմամբ:
Հյուրերի երկրորդ գոլը 76-րդ րոպեին խփեց Հայաստանի ազգային հավաքականի կիսապաշտպան Գեղամ Կադիմյանը: Նա մեկնարկային կազմում հանդես եկավ 85 րոպե եւ Ուկրաինայի առաջնությունում առաջին գոլը խփեց «Վորսկլայի» կազմում: «Վորսկլան» 21 միավորով ամրապնդվեց երրորդ տեղում:
Հիշեցնենք, որ Գեղամ Կադիմյանը հրավիրվել է Հայաստանի հավաքական՝ մասնակցելու Լեհաստանի (հոկտեմբերի 5) եւ Ղազախստանի (հոկտեմբերի 8) թիմերի դեմ աշխարհի առաջնության ընտրական մրցաշարի վերջին երկու հանդիպումներին: Սեպտեմբերի 20-ին Կադիմյանը գոլ էր խփել նաեւ Կրամատորսկու «Ավանգարդի» դեմ Ուկրաինայի գավաթի խաղարկության 1/16 եզրափակիչի խաղում (2:0):
Տեսանյութում Գեղամ Կադիմյանի գոլը՝ 2:20-ից
Հետևեք NEWS.am SPORT-ին Facebook-ում, Twitter և Telegram-ում