Ձյուդոյի Հայաստանի երիտասարդական հավաքականը սեպտեմբերի 15-17-ը Սլովենիայի Մարիբոր քաղաքում կմասնակցի Եվրոպայի առաջնությանը:
Ավագ մարզիչ Հովհաննես Դավթյանը թիմի կազմում ընդգրկել է Գասպար Հայրապետյանին, Էրիկ Հարությունյանին (երկուսն էլ՝ 55 կգ քաշային կարգ), Վահագն Չալյանին (81 կգ) եւ Գրիգոր Սահակյանին (90 կգ), հաղորդում է ՀԱՕԿ լրատվականը։
Հայաստանի հավաքականն արդեն մրցավայրում է: Մինչ այդ թիմը երկու հավաք է անցկացրել Թբիլիսիում եւ Երեւանում:
Եվրոպայի առաջնությունում հանդես կգա 41 երկրի 400 մարզիկ:
Հետևեք NEWS.am SPORT-ին Facebook-ում, Twitter և Telegram-ում