Լա Լիգայի նախագահ. Կատալոնիայի անկախացման դեպքում, «Բարսելոնան» դուրս կմնա Պրիմերայից

Իսպանական Լա Լիգայի նախագահ Խավյեր Տեբասն ակնարկել է, որ Կատալոնիայի անկախացման դեպքում, «Բարսելոնան» չի կարողանա հանդես գալ ֆուտբոլի Իսպանիայի առաջնությունում եւ կկորցնի եվրոպական առաջատար ակումբի կարգավիճակը:

«Եթե Կատալոնիայի անկախության հանրաքվեն տեղի ունենա եւ երկրամասն անջատվի Իսպանիայից, «Բարսելոնայի» ապագան կարող է միայն անհանգստացնել: Իսպանիայի օրենսդրության եւ մեր կանոնադրության խնդիր կա: Կատալոնական ակումբին բարդ կլինի համաձայնության հասնել Պրիմերայում մրցելույթը շարունակելու հարցում: Իսկ Պրիմերայից դուրս «Բարսելոնան» կկորցնի եվրոպական սուպերակումբի կարգավիճակը: Ակումբը կզրկվի Իսպանիայի առաջնության հեռարձակումների իրավունքից ստացվող եկամուտից»,- Տեբասի խոսքը մեջբերում է AS-ը:

«Բարսելոնա» ֆուտբոլային ակումբը միշտ կողմ է հանդես եկել Կատալոնիայի անկախությանը եւ այդ մասին արել է հրապարակային հայտարարություններ:

Հետևեք NEWS.am SPORT-ին Facebook-ում, Twitter և Telegram-ում