Ասենսիոյի դուբլը «Ռեալին» փրկեց պարտությունից

Իսպանիայի առաջնության երկրորդ տուրում «Ռեալը» Մադրիդում հանդիպեց «Վալենսիայի» հետ եւ բավարարվեց ոչ ոքի արդյունքով՝ 2:2: Արքայական թիմի կազմում դուբլի հեղինակ դարձավ իսպանացի կիսապաշտպան Մարկո Ասենսիոն, որը բացեց հանդիպման հաշիվը 10-րդ րոպեին եւ փրկեց ֆրանսիացի Զինեդին Զիդանի գլխավորած թիմին պարտությունից 83-րդ րոպեին խփած գոլով:

«Ռեալը» 4 միավորով 5-րդ տեղում է: 4-ական միավոր ունեն նաեւ Մադրիդի «Աթլետիկոն», «Վալենսիան», «Ժիրոնան», «Լեւանտեն», «Սեւիլիան» եւ Բիլբաոյի «Աթլետիկը»:

Առաջատարներն են երկուական հաղթանակ տարած «Ռեալ Սոսյեդադը», «Բարսելոնան» եւ «Լեգանեսը»:  

Եվրոպական հինգ առաջատար առաջնությունների թիմերից «Ռեալը» դարձավ առաջինը, որը գոլ է խփում 70 հանդիպումներում անընդմեջ:

Իսպանիայի առաջնություն, երկրորդ տուր

«Ռեալ» - «Վալենսիա»՝ 2:2

Մարկո Ասենսիո, 10, 83 - Կարլոս Սոլեր, 18, Ժոֆրեյ Կոնդոգբիա, 77

Հետևեք NEWS.am SPORT-ին Facebook-ում, Twitter և Telegram-ում