«Վիլյառեալի» իսպանացի հարձակվող Ռոբերտո Սոլդադոն կարիերան կշարունակի Ստամբուլի «Ֆեներբահչեում», հայտնում է իսպանական ակումբի կայքը:
Բուժզննում անցնելուց հետո Իսպանիայի հավաքականի նախկին ֆուտբոլիստը պայմանագիր կկնքի թուրքական ակումբի հետ: 32-ամյա Սոլդադոյի տրանսֆերը գնահատվում է 8 միլիոն եվրո:
Ռոբերտո Սոլդադոն 2015-ին Լոնդոնի «Տոտենհեմից» էր տեղափոխվել «Վիլյառեալ», որը 16 միլիոն եվրո էր վճարել նրան ձեռք բերելու համար: Իսպանական ակումբի հետ հարձակվողի գործող պայմանագիրը նախատեսված էր մինչեւ 2019-ի ամառը:
Հետևեք NEWS.am SPORT-ին Facebook-ում, Twitter և Telegram-ում