Վլադիմիր Պուտինը կայցելի Կոնֆեդերացիաների Գավաթի բացման խաղին

Կրեմլում հաստատել են, որ Ռուսաստանի նախագահ Վլադիմիր Պուտինը ներկա կլինի հունիսի 17-ին մեկնարկելիք Կոնֆեդերացիաների գավաթի խաղարկության բացման խաղին։ Ռուսաստանի հավաքականը Մոսկվայում կմրցի Նոր Զելանդիայի հավաքականի հետ։

Խմբային փուլի երկրորդ խաղում Ռուսաստանի թիմը հունիսի 21-ին  կմրցի Եվրոպայի չեմպիոն Պորտուգալիայի հավաքականի հետ։ Իսկ հունիսի 24-ին Ստանիսլավ Չերչեսովի գլխավորած թիմը խմբային փուլը կավարտի Մեքսիկայի հետ խաղով։

B խմբում ընդգրկված են աշխարհի չեմպիոն Գերմանիան, Ամերիկայի գավաթակիր Չիլին, Աֆրիկայի չեմպիոն Կամերունը եւ Ավստրալիան։

Հետևեք NEWS.am SPORT-ին Facebook-ում, Twitter և Telegram-ում