Մինի ֆուտբոլի Հայաստանի առաջնություն. Լրագրողների թիմը գրավեց երրորդ տեղը

Հայաստանի լրագրողների ֆուտբոլային հավաքականը երրորդ տեղը գրավեց մինի ֆուտբոլի Հայաստանի 5-րդ առաջնությունում, որի հաղթողի կոչումը նվաճեց «Գրանդ Քենդի» թիմը:

Սլավոնական համալսարանի արհեստական խոտածածկով մարզադաշտում անցկացված մրցաշարի կիսաեզրափակիչում լրագրողները 1:3 հաշվով պարտվեցին «Արարատ» թիմին, որը դուրս եկավ եզրափակիչ եւ պարտություն կրեց «Գրանդ Քենդիից»՝ 3:4:

Խմբային փուլում լրագրողների թիմը գոլազուրկ ոչ ոքի էր խաղացել «Գրանդ Քենդիի» հետ, որը մրցաշարում հաղթանակ չէր տարել միայն այդ խաղում:

Հիշեցնենք, որ Հայաստանի մինի ֆուտբոլի ֆեդերացիան հիմնադրվել է 2013-ին, իսկ 2016-ն դարձել է Եվրոպայի մինի ֆուտբոլի ֆեդերացիայի անդամ:

Լուսանկարում «Գրանդ Քենդիի» թիմն է

Ֆոտո՝ մրցաշարի մամուլի ծառայություն

Հետևեք NEWS.am SPORT-ին Facebook-ում, Twitter և Telegram-ում