Բասկետբոլի ազգային ասոցիացիայի (NBA) կանոնավոր առաջնության հերթական տուրում գործող չեմպիոն «Քլիվլենդը» 114:91 հաշվով արտագնա հաղթանակ է տարել «Բոստոնի» նկատմամբ, իսկ «Գոլդեն Սթեյտը» հյուրընկալվելիս ուժեղ է գտնվել «Ֆինիքսից»՝ 120:111: «Քլիվլենդի» առաջատար Լեբրոն Ջեյմսը վաստակել է 36 միավոր, իսկ Ստիվեն Կարին «Գոլդեն Սթեյտին» բերել է 42 միավոր: Նրանք ճանաչվել են խաղի ամենաարդյունավետ բասկետբոլիստներ:
«Օկլահոման» Ռասել Ուեստբրուկի 45 միավորների շնորհիվ հաղթել է «Մեմֆիսին»՝ 103:100:
Խաղային օրվանից հետո NBA-ի պաշտոնական ալիքը ներկայացրել է լավագույն դրվագների տասնյակը, որը գլխավորում է «Ֆինիքսի» խաղացող Դերիկ Ջոնս կրտսերը:
NBA, կանոնավոր առաջնություն
«Ֆինիքս» – «Գոլդեն Սթեյտ»՝ 111:120 (18:41, 34:17, 26:33, 33:29)
«Բոստոն» – «Քլիվլենդ»՝ 91:114 (20:19, 22:38, 24:33, 25:24)
«Սան Անտոնիո» – «Լեյքերս»՝ 95:102 (14:31, 27:22, 29:23, 25:26)
«Հյուսթոն» – «Դենվեր»՝ 110:104 (36:25, 23:25, 26:29, 25:25)
«Մեմֆիս» – «Օկլահոմա»՝ 100:103 (27:34, 23:23, 24:22, 26:24)
Հետևեք NEWS.am SPORT-ին Facebook-ում, Twitter և Telegram-ում