Փարիզում ավարտված հունահռոմեական ըմբշամարտի մրցաշարում երկրորդ օրը Հայաստանի հավաքականին ոսկե մեդալ բերեց 66 կգ քաշային Կարեն Ասլանյանը, որը պայքարը սկսեց 1/8 եզրափակիչում՝ 7:4 հաշվով առավելության հասնելով ղազախ Նուրտայ Նուրգալիեւի նկատմամբ:
Քառորդ եզրափակիչում Կարեն Ասլանյանը 10:2 հաշվով հաղթեց Ֆրանսիան ներկայացնող Հրաչյա Մալխասյանին: Կիսաեզրափակիչում Ասլանյանն ուժեղ էր լեհ Ռոման Պացուրկովսկուց՝ 9:0: Եզրափակիչում հայ ըմբիշի մրցակիցն էր լեհ Մատեուշ Բերնատեկն էր, որը պարտվեց 1:4 հաշվով:
59 կգ քաշային Գեւորգ Ղարիբյանը պարտվեց քառորդ եզրափակիչում՝ 4:6 հաշվով ղազախ Բագիլան Ժականշային:
Հիշեցնենք, որ առաջին օրը ոսկե մեդալակիրներ էին դարձել Կարապետ Չալյանը (75 կգ) եւ Մաքսիմ Մանուկյանը (85 կգ), Ռաֆայել Ալեքսանյանը (71 կգ) արժանացել բրոնզե մեդալի:
Հետևեք NEWS.am SPORT-ին Facebook-ում, Twitter և Telegram-ում