Հայաստանի հավաքականի կիսապաշտպան Արաս Օզբիլիսը թուրքական «Բեշիկթաշի» մեկնարկային կազմում առաջին անգամ 90 րոպե անցկացնելուց ու գոլի հեղինակ դառնալուց հետո կիսվել է տպավորություններով:
«Ուրախ եմ, որ անցկացրեցի ամբողջ հանդիպում եւ գոլ խփեցի երկար դադարից հետո»,- Instagram-ում գրել է 26-ամյա ֆուտբոլիստը:
Այս գրառման մեկնաբանություններում Արաս Օզբիլիսին շնորհավորել են նաեւ նրա նախկին ակումբ Կրասնոդարի «Կուբանն» ու Մոսկվայի «Սպարտակում» նախկին ակումբակից Սալվատորե Բոկետին:
Հիշեցնենք, որ Թուրքիայի գավաթի խաղարկության խմբային փուլի D խմբի 5-րդ տուրում «Բեշիկթաշը» Ստամբուլում 3:0 հաշվով հաղթել էր «Դարիջա Գենչլերբիրլիգին»: Օզբիլիսը 70-րդ րոպեին աչքի ընկավ տուգանային հարվածով:
Հետևեք NEWS.am SPORT-ին Facebook-ում, Twitter և Telegram-ում