Լոնդոնի «Չելսին» պատրաստվում է նոր առաջարկ անել Լեւերկուզենի «Բայերին» Գերմանիայի ազգային հավաքականի կիսապաշտպան Անդրե Շյուրլեի տրանսֆերի կապակցությամբ, հայտնում է The Telegraph-ը:
Օրեր առաջ լոնդոնյան ակումբը 17 միլիոն ֆունտ էր առաջարկել 21-ամյա գերմանացու համար, սակայն «Բայերը» մերժել էր: Հիմա Ռոման Աբրամովիչի թիմը պատրաստվում է առաջարկվող գումարը հասցնել 20 միլիոն ֆունտ ստերլինգի: Մոտ օրերս կողմերը բանակցություններ կսկսեն:
Շյուրլեն 2011 թվականին գերմանական «Մայնցից» է տեղափոխվել «Բայեր»:
Բրիտանական լրատվամիջոցներում լուրեր են շրջանառվում, որ անգլիացի հարձակվող Դանիել Ստարիջը ցանկանում է հեռանալ «Չելսիից»:
Հետևեք NEWS.am SPORT-ին Facebook-ում, Twitter և Telegram-ում