Դավիթ Նալբանդյանի առաջին հաղթանակը ավտոսպորտում

Արգենտինահայ Դավիթ Նալբանդյանն առաջին հաղթանակն է տարել ավտոսպորտում։ Թենիսի համաշխարհային դասակարգման նախկին երրորդ ռակետը թենիսիստի կարիերան ավարտելուց հետո մասնակցում է ավտոռալիի մրցումների։ 2015-2016 թվականներին նա երկու անգամ հայտնվել էր ավտովթարում, սակայն մարզական հաջողություններ չէր ունեցել։

Վերջապես, Դավիթ Նալբանդյանը գրանցել է առաջին հաղթանակը՝ նվաճելով Copa Maxi Rally-ի հաղթողի տիտղոսը, հաղորդում է ESPN-ը։ Հաղթողի գլխավոր հավակնորդները դուրս են մնացել պայքարից։ Copa Maxi Rally-ին մասնակցում են ազգային եւ միջազգային մրցումներում հաջողություններ չունեցած ավտոարշավորդներ։

Հետևեք NEWS.am SPORT-ին Facebook-ում, Twitter և Telegram-ում