Անգլիայի առաջնության 15-րդ տուրի «Մանչեսթեր Յունայթեդ» - «Տոտենհեմ» հանդիպման լավագույն խաղացող է ճանաչվել Հայաստանի հավաքականի կիսապաշտպան Հենրիխ Մխիթարյանը: «Մանչեսթեր Յունայթեդի» պաշտոնական թվիթերյան էջում անցկացված քվեարկությամբ հայ ֆուտբոլիստը ստացել է ձայների 87 տոկոսը:
Հիշեցնենք, որ Մխիթարյանի միակ գոլը հաղթական էր: Ժոզե Մոուրինյոյի գլխավորած թիմը հաղթեց նվազագույն հաշվով: Մխիթարյանը ոտնաթաթի վնասվածքի պատճառով փոխարինվեց 85-րդ րոպեին:
Հետևեք NEWS.am SPORT-ին Facebook-ում, Twitter և Telegram-ում