Ռիո դե Ժանեյրոյում ավարտին մոտեցող ամառային Օլիմպիական խաղերի ջրագնդակի կանանց մրցաշարի հաղթողի տիտղոսը նվաճել է ԱՄՆ-ի հավաքականը, որի գլխավոր մարզիչն է հայազգի Ադամ Գրիգորյանը (Adam Krikorian):
Եզրափակիչում ամերիկուհիները 12:5 հաշվով առավելության են հասել Իտալիայի հավաքականի նկատմամբ:
Բրոնզե մեդալակիր է դարձել Ռուսաստանի թիմը, որը երրորդ տեղի համար խաղում ուժեղ է գտնվել Հունգարիայից:
Եզրափակիչ խաղից 2 օր առաջ Քալիֆորնիայում ավտովթարից մահացել էր 42-ամյա Ադամ Գրիգորյանի եղբայրը՝ Բլեյքը: ԱՄՆ-ի հավաքականի մարզուհիները իրենց հաղթանակը նվիրել են Գրիգորյանին՝ մրցանակաբաշխությունից հետո բոլոր մեդալները կախելով նրա պարանոցին:
Հետևեք NEWS.am SPORT-ին Facebook-ում, Twitter և Telegram-ում