22:22  +04,  19 օգոստոսի, 2016

Ուսեյն Բոլթ. Չեմ կարծում, որ պետք է համեմատել ինձ ու Ֆելփսին

Ութակի օլիմպիական չեմպիոն, 100 եւ 200 մետր վազքի աշխարհի ռեկորդակիր, ջամայկացի Ուսեյն Բոլթը չի ցանկացել համեմատվել 23-ակի օլիմպիական չեմպիոն, ամերիկացի Մայքլ Ֆելփսի հետ:

«Բարդ է ասել, թե ով է մեզնից ավելի փառահեղ մարզիկ: Մեր մարզաձեւերը բացարձակ տարբեր են: Չեմ կարծում, որ առհասարակ պետք է համեմատել մեզ:

Բայց ես իհարկե հետեւել եմ Ֆելփսի կարիերային եւ շատ եմ նրան հարգում: Նա մեծագույն մարզիկ է: Նրա նման մարդիկ են օրինակ ծառայում երեխաների համար եւ ստիպում նրանց սկսել զբաղվել սպորտով»,- Ուսեյն Բոլթի խոսքը մեջբերում է ESPN-ը:

Մայքլ Ֆելփսն արդեն ավարտել է մրցելույթը Ռիոյի Օլիմպիական խաղերում, Ուսեյն Բոլթը Ջամայկայի քառյակի հետ դեռ մասնակցել է 4 անգամ 100 մետր փոխանցավազքին:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս