21:17  +04,  19 օգոստոսի, 2016

Միհրան Հարությունյան. Նրանք ինձ պարզապես թույլ չեն տալիս բարձրանալ առաջին տեղ

Ռիոյի Օլիմպիական խաղերի հունահռոմեական ըմբշամարտի 66 կգ քաշայինների փոխչեմպիոնի տիտղոսը նվաճած Միհրան Հարությունյանը հայտարարել է, որ ոմանք իրեն թույլ չեն տալիս դառնալ չեմպիոն:

Հիշեցնենք, որ Հայաստանի ներկայացուցիչ Միհրան Հարությունյանը խայտառակ կողմնակալ մրցավարության հետեւանքով զրկվեց հաղթանակից սերբ Դավոր Ստեֆանեկի հետ եզրափակիչ գոտեմարտում (1:1 հաշիվ, վերջին միավորը ստացել էր Ստեֆանեկը):

«Ես չեմ պարտվել: Առաջին անգամ կյանքում չեմ ամաչում դա ասել: Եվրոպական խաղերում, աշխարհի առաջնությունում, այս Օլիմպիական խաղերում նրանք ինձ պարզապես թույլ չեն տալիս բարձրանալ առաջին տեղ, որը ես վաստակել եմ: Եթե ես պարտվեմ՝ այո, ես կընդունեմ, բայց երբ հաղթում եմ՝ նրանք ինձ պետք է տան հնարավորություն կանգնել առաջին տեղը: Ես հիասթափված եմ եւ ոչինչ չեմ ցանկանում ավելին ասել:

Ես հաղթում էի 1:0 հաշվով, աշխատում է ակտիվ, առաջին համարով ամբողջ գոտեմարտի ընթացքում: Իսկ ինձ նստեցնում էին պարտեր, ինչ-որ նկատողություն տվեցին: Ես չգիտեմ: Ներողություն, բայց այլեւս ոչինչ չեմ ցանկանում մեկնաբանել»,- Միհրան Հարությունյանի խոսքը մեջբերում է rsport-ը:

Հիշեցնենք, որ հանրագիր-պահանջների միջազգային change.org կայքում բացվել է Միջազգային օլիմպիական կոմիտեին (ՄՕԿ), Ըմբշամարտի միջազգային ֆեդերացիային եւ ՄՕԿ-ի նախագահ Թոմաս Բախին հասցեագրված հանրագիր Միհրան Հարությունյանի նկատմամբ արդարությունը վերականգնելու պահանջով, որին կարելի է միանալ հետեւյալ հղումով change.org

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս