04:33  +04,  17 օգոստոսի, 2016

Ռիո-2016. Լեգենդար ծանրորդ Հոսեյն Ռեզազադեի 2 ռեկորդներ գերազանցվեցին

Ռիո դե Ժանեյրոյում շարունակվող ամառային Օլիմպիական խաղերի ծանրամարտի մրցաշարի վերջին օրը մրցահարթակ դուրս եկած վրացի Լաշա Տալախաձեն երկամարտի աշխարհի ռեկորդ է սահմանել գերծանր քաշային կարգում:

Օլիմպիական նորընծա չեմպիոնը գրանցել է 473 կգ՝ գերազանցելով իրանցի լեգենդար ծանրորդ Հոսեյն Ռեզազադեի ռեկորդը (472 կգ): Օգոստոսի 16-ին գերազանցվեց նաեւ Ռեզազադեի ռեկորդը (213 կգ) պոկում վարժությունում: 216 կգ արդյունքով ռեկորդ սահմանեց նրա հայրենակից Բեհդադ Սալիմիկորդաբասին, որը հետագայում զրո ստացավ հրում վարժությունում:

Ռեզազադեին է շարունակում պատկանել հրում վարժության ռեկորդը, որը կազմում է 263 կգ:

Հիշեցնենք, որ Ռիո-2016-ի գերծանրքաշային կարգում Հայաստանն ուներ 2 ներկայացուցիչ՝ Գոռ Մինասյանը եւ Ռուբեն Ալեքսանյանը: 22-ամյա Մինասյանը երկամարտի 451 կգ (210+241) արդյունքով դարձավ օլիմպիական փոխչեմպիոն, իսկ 26-ամյա Ալեքսանյանը բավարարվեց չորրորդ տեղով՝ 440 կգ (195+245):

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս