23:54  ,  12 օգոստոսի, 2016

Ռիո-2016. Կանաչած ջրով օլիմպիական լողավազանը փակվել է (ֆոտո)

Ռիոյի Օլիմպիական խաղերի ջրացատկի մրցաշարի լողավազանը փակվել է: Մրցման ընթացքում թափանցիկ կապույտ ջրի գույնը չբացահայտված պատճառներով դարձել էր կանաչ:

«Մարզումները ժամանակավորապես հետաձգվել են: Անհրաժեշտ է փոխել ջուրը եւ վերացնել պատճառները: Նպատակին արագ հասնելու համար անհրաժեշտ է փակել լողավազանը»,- Խաղերի կազմկոմիտեի ներկայացուցիչ Մարիո Անդրադայի խոսքը մեջբերում է irishexaminer-ը:

Օլիմպիական խաղերի ջրացատկի մասնակիցներից շատերը սոցիալական ցանցերում արած գրառումներով հույս են հայտնել, որ իրենց առողջությանը վնաս չի հասցվել:

Կազմկոմիտեն վստահեցրել էր, որ մարզիկների առողջության ոչինչ չի սպառնում, սակայն հստակ պարզաբանում այդպես էլ չեղավ, թե ինչու է փոխվել ջրի գույնը:

Հետևեք NEWS.am SPORT-ին Facebook-ում, Twitter և Telegram-ում