Ֆրանսիայում ավարտված ֆուտբոլի Եվրոպայի առաջնությունում խաղադաշտում ամենաշատ ժամանակ անցկացրել է Պորտուգալիայի հավաքականի դարպասապահ Ռուի Պատրիսիուն, հայտնում է ՈւԵՖԱ-ի կայքը:
Լիսաբոնի «Սպորտինգի» 28-ամյա դարպասապահը Եվրո-2016-ում հանդես է եկել 720 րոպե: Այդ ցուցանիշով երկրորդ տեղում է Պորտուգալիայի հավաքականի կիսապաշտպան Լուիշ Նանին, որը խաղադաշտում անցկացրել է 706 րոպե: Երրորդ տեղը բաժանում են ֆրանսիացիներ Պատրիս Էվրան, Բակարի Սանյան ու Հուգո Լյորիսը՝ 660-ական րոպե:
Հիշեցնենք, որ Փարիզի «Ստադ դե Ֆրանս» ստադիոնում կայացած եզրափակիչում պորտուգալացիները Ռուի Պատրիսիուի հրաշալի խաղի օգնությամբ լրացուցիչ ժամանակում նվազագույն հաշվով հաղթել էին Ֆրանսիային՝ պատմության մեջ առաջին անգամ դառնալով Եվրոպայի չեմպիոն: Պորտուգալիայի հավաքականը 25-րդ րոպեից խաղում էր առանց Մադրիդի «Ռեալի» հարձակվող Կրիշտիանու Ռոնալդուի, որը վնասվածքի պատճառով չկարողացավ շարունակել խաղը:
Հետևեք NEWS.am SPORT-ին Facebook-ում, Twitter և Telegram-ում
16:30 , 11 սեպտեմբերի 
15:50 , 11 սեպտեմբերի 
14:56 , 11 սեպտեմբերի 
14:03 , 11 սեպտեմբերի 
13:06 , 11 սեպտեմբերի 
12:55 , 11 սեպտեմբերի 
12:20 , 11 սեպտեմբերի 
11:36 , 11 սեպտեմբերի 
11:02 , 11 սեպտեմբերի 
10:37 , 11 սեպտեմբերի 
