12:50  ,  11 հուլիսի, 2016

Եվրո-2016. Պորտուգալիան կստանա 25.5 միլիոն եվրո, Ֆրանսիան՝ 23.5

Պորտուգալիայի հավաքականն ՈւԵՖԱ-ից 25.5 միլիոն եվրո կստանա Ֆրանսիայում ավարտված Եվրո-2016-ում տարած հաղթանակի համար:

Եզրափակիչում պարտված Ֆրանսիայի հավաքականը կստանա 23.5 միլիոն եվրո, գրում է France Football-ը:

Եվրո-2016-ին մասնակցած բոլոր հավաքականները խմբային փուլում հանդես գալու համար ստանալու են 8-ական միլիոն եվրո: Խմբային փուլում յուրաքանչյուր հաղթանակ թիմերին հարստացրել է եւս 1 միլիոն եվրոյով, իսկ ոչ ոքին՝ 500 հազար եվրոյով:

Հիշեցնենք, որ Փարիզի «Ստադ դե Ֆրանս» ստադիոնում կայացած եզրափակիչում պորտուգալացիները լրացուցիչ ժամանակում նվազագույն հաշվով հաղթել էին Ֆրանսիային՝ պատմության մեջ առաջին անգամ դառնալով Եվրոպայի չեմպիոն: Պորտուգալիայի հավաքականը 25-րդ րոպեից խաղում էր առանց Մադրիդի «Ռեալի» հարձակվող Կրիշտիանու Ռոնալդուի, որը վնասվածքի պատճառով չկարողացավ շարունակել խաղը: 

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով

  • Լրահոս