Եվրո-2016. Դիդյե Դեշամ. Գերմանիայի հավաքականը լավագույնն է այս մրցաշարում

Եվրո-2016-ի կիսաեզրափակիչի երկրորդ խաղից առաջ Ֆրանսիայի հավաքականի 47-ամյա գլխավոր մարզիչ Դիդյե Դեշամը ֆավորիտ է համարել գերմանացիներին:

«Գերմանիայի հավաքականը միշտ ձգտում է իր պայմանները թելադրել մրցակիցներին, ձգտում է վերահսկել գնդակը: Բայց մենք չենք կարող մեզ թույլ տալ ընդամենը պաշտպանվել եւ սպասել հակագրոհի հնարավորության:

Մենք պետք է խաղանք մեր ֆուտբոլը եւ առավելագույն օգտագործել մեր ուժեղ կողմերը: Գերմանիան աշխարհի չեմպիոնն է եւ Եվրո-2016-ի հինգ հանդիպումներում շատ լավ տպավորություն է թողել:

Գերմանիայի թիմի ուժն այն է, որ գոլ բաց չի թողնում եւ մշտապես գրոհում է: Իտալիայի դեմ խաղում երեւում էր, թե ինչքան արագ են նրանք վերադասավորվում գնդակ կորցնելուց հետո եւ վերադառնում սեփական կիսադաշտ:

Մենք ունենք երկրպագուների աջակցության կարիքը: Սահուն չէր մեր ընթացքը մինչեւ կիսաեզրափակիչ, բայց խաղացողներն արել են հնարավոր ամեն ինչ այս կետին հասնելու համար:

Այժմ մեզ սպասվում է բացարձակ այլ փորձութուն: Գերմանիան ունի լավագույն հավաքականն այս մրցաշարում: Եթե արժանի պայքար մղենք, ապա կմտնենք պատմության մեջ»,- Դիդյե Դեշամի խոսքը մեջբերում է ՈւԵՖԱ-ի կայքը:

Հուլիսի 7-ին Մարսելի «Վելոդրոմ» ստադիոնում կայանալի Գերմանիա - Ֆրանսիա հանդիպումը կմեկնարկի Երեւանի ժամանակով 23:00-ին:

Հետևեք NEWS.am SPORT-ին Facebook-ում, Twitter և Telegram-ում