Եվրո-2016. Դիդյե Դեշամ. Գերմանիայի հավաքականը լավագույնն է այս մրցաշարում
20:12 7 հուլիսի, 2016Եվրո-2016-ի կիսաեզրափակիչի երկրորդ խաղից առաջ Ֆրանսիայի հավաքականի 47-ամյա գլխավոր մարզիչ Դիդյե Դեշամը ֆավորիտ է համարել գերմանացիներին:
«Գերմանիայի հավաքականը միշտ ձգտում է իր պայմանները թելադրել մրցակիցներին, ձգտում է վերահսկել գնդակը: Բայց մենք չենք կարող մեզ թույլ տալ ընդամենը պաշտպանվել եւ սպասել հակագրոհի հնարավորության:
Մենք պետք է խաղանք մեր ֆուտբոլը եւ առավելագույն օգտագործել մեր ուժեղ կողմերը: Գերմանիան աշխարհի չեմպիոնն է եւ Եվրո-2016-ի հինգ հանդիպումներում շատ լավ տպավորություն է թողել:
Գերմանիայի թիմի ուժն այն է, որ գոլ բաց չի թողնում եւ մշտապես գրոհում է: Իտալիայի դեմ խաղում երեւում էր, թե ինչքան արագ են նրանք վերադասավորվում գնդակ կորցնելուց հետո եւ վերադառնում սեփական կիսադաշտ:
Մենք ունենք երկրպագուների աջակցության կարիքը: Սահուն չէր մեր ընթացքը մինչեւ կիսաեզրափակիչ, բայց խաղացողներն արել են հնարավոր ամեն ինչ այս կետին հասնելու համար:
Այժմ մեզ սպասվում է բացարձակ այլ փորձութուն: Գերմանիան ունի լավագույն հավաքականն այս մրցաշարում: Եթե արժանի պայքար մղենք, ապա կմտնենք պատմության մեջ»,- Դիդյե Դեշամի խոսքը մեջբերում է ՈւԵՖԱ-ի կայքը:
Հուլիսի 7-ին Մարսելի «Վելոդրոմ» ստադիոնում կայանալի Գերմանիա - Ֆրանսիա հանդիպումը կմեկնարկի Երեւանի ժամանակով 23:00-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.