Ֆուտբոլի Իսլանդիայի հավաքականը դարձավ Եվրոպայի առաջնությունների պատմության մեջ առաջին թիմը, որն առաջին հինգ հանդիպումներում ներկայանում է նույն մեկնարկային կազմով:
Իսլանդիայի հավաքականն առաջին անգամ է հանդես գալիս Եվրոպայի առաջնությունների խմբային փուլում եւ հասել է քառորդ եզրափակիչ: Երեւանի ժամանակով 23:00-ին Փարիզի «Ստադ դը Ֆրանս» ստադիոնում մեկնարկելիք խաղում իսլանդացիների մրցակիցը Ֆրանսիայի հավաքականն է:
Հիշեցնենք, որ 1/8 եզրափակիչում Իսլանդիան 2:1 հաշվով առավելության է հասել անգլիացիների նկատմամբ:
Իսլանդիա. Հանես Հալդոուրսոն, Բիրկիր Սեւարսոն, Ռագնար Սիգուրդսոն, Կարի Արնասոն, Արի Սկուլասոն, Իոգան Գուդմունդսոն, Բիրկիր Բյարնասոն, Գիլֆի Սիգուրդսոն, Արոն Գունարսոն, Կոլբեյն Սիգթորսոն, Յոն Դադի Բոդվարսոն:
Ֆրանսիա - Իսլանդիա զույգի հաղթողը կիսաեզրափակիչում կմրցի աշխարհի չեմպիոն գերմանացիների հետ, որոնք դուրս են թողել Իտալիայի թիմին:
Հետևեք NEWS.am SPORT-ին Facebook-ում, Twitter և Telegram-ում