Շվեյցարիայի հավաքականի կիսապաշտպան Ջերդան Շաքիրին ՈւԵՖԱ-ի կայքում անցկացված հարցման արդյունքում ճանաչվել է Եվրո-2016-ի 1/8 եզրափակիչի լավագույն գոլի հեղինակ:
Երկրպագուներին ամենաշատը դուրս է եկել անգլիական «Սթոք Սիթիի» ֆուտբոլիստի՝ շրջադարձ հարվածով խփած գոլը Լեհաստանի հավաքականի դեմ խաղում:
Հիշեցնենք, որ Սենտ Էթյենում կայացած խաղի հիմնական եւ լրացուցիչ ժամանակն ավարտվել էր 1:1 հաշվով, իսկ հետխաղյա 11 մետրանոցներով հաղթել էին լեհերը, որոնք քառորդ եզրափակիչում հունիսի 30-ին կխաղան Պորտուգալիայի հավաքականի հետ:
Հետևեք NEWS.am SPORT-ին Facebook-ում, Twitter և Telegram-ում