Իսպանիայի հավաքականի ու կատալոնական «Բարսելոնայի» պաշտպան Ժերար Պիկեն Խորվաթիայի դեմ Եվրո-2016-ի երրորդ տուրի խաղից առաջ տեսախցիկին միջնամատ է ցույց տվել երկրի օրհներգի կատարման ժամանակ:
Marca-ի համաձայն՝ Պիկեն միջնամատը ցույց է տվել Մադրիդի «Ռեալի» իսպանացի պաշտպան Սերխիո Ռամոսին: Ժերար Պիկեն հայտնի է որպես Կատալոնիայի անկախացման ակտիվ կողմնակիցներից մեկը:
Հանդիպումից հետո «Բարսելոնայի» ֆուտբոլիստը թվիթերյան էջում մեկնաբանել է այդ դրվագը. «Ես պարզապես մատներս էի շարժում հիմնի ժամանակ: Եկեք սկանդալներ չփնտրենք այնտեղ, որտեղ դրանք չկան եւ փորձենք հաղթել Եվրոն»,- գրել է Պիկեն:
Հիշեցնենք, որ որ Բորդոյում կայացած խաղում խորվաթները 2:1 հաշվով կամային հաղթանակ էին տարել եւ 7 միավորով գրավել D խմբի առաջին տեղը: 72-րդ րոպեին Մադրիդի «Ռեալի» իսպանացի պաշտպան Սերխիո Ռամոսը 11 մետրանոցից վրիպել էր 1:1 հաշվի ժամանակ: Եվրոպայի գործող չեմպիոն Իսպանիան 6 միավորով գրավեց երկրորդ տեղը եւ 1/8 եզրափակիչում կհանդիպի Իտալիային:
Հետևեք NEWS.am SPORT-ին Facebook-ում, Twitter և Telegram-ում
17:22 , 20 ապրիլի 
16:21 , 20 ապրիլի 
15:16 , 20 ապրիլի 
14:20 , 20 ապրիլի 
13:11 , 20 ապրիլի 
12:10 , 20 ապրիլի 
11:12 , 20 ապրիլի 
10:21 , 20 ապրիլի 
09:07 , 20 ապրիլի 
00:47 , 20 ապրիլի 
