Լոնդոնի «Տոտենհեմը» միացել է այն ակումբներին, որոնք ցանկանում են ձեռք բերել Դորտմունդի «Բորուսիայի կիսապաշտպան Հենրիխ Մխիթարյանին, գրում է Daily Star-ը:
Աղբյուրի համաձայն՝ Հայաստանի հավաքականի ավագի համար անգլիական ակումբը պետք է պայքարի Լոնդոնի «Արսենալի» եւ Թուրինի «Յուվենտուսի» հետ:
Հիշեցնենք, որ «Տոտենհեմը» Մխիթարյանին ցանկանում էր ձեռք բերել նաեւ 2013 թվականին, երբ նա Դոնեցկի «Շախտյորից» տեղափոխվեց Դորտմունդ: 27-ամյա կիսապաշտպանը հրաժարվում է երկարաձգել «Բորուսիայի» հետ գործող պայմանագիրը, որն ավարտվում է 2017-ի ամռանը: Գերմանիայի ավարտված առաջնությունում Հենրիխը մասնակցել է 31 խաղի եւ դարձել 11 գոլի ու 18 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում