«Բավարիայի» ղեկավար Կարլ-Հայնց Ռումենիգեն հաստատել է, որ մյունխենյան ակումբը բանակցում է Դորտմունդի «Բորուսիայի» եւ Գերմանիայի հավաքականի պաշտպան Մատս Հումելսի հետ:
«Ես կարող եմ հաստատել, որ Մատսը բանակցում է «Բավարիայի» հետ, բայց տրանսֆերին մասնակցում է երեք կողմ, եւ ես չեմ կարող հիմա այլ մանրամասներ հայտնել»,- Ռումենիգեի խոսքը մեջբերում է Sport1-ը:
Գերմանիայի առաջնության ավարտից երեք տուր առաջ «Բավարիան» 7 միավորի առավելություն ունի երկրորդ տեղում ընթացող Դորտմունդի «Բորուսիայի» նկատմամբ եւ կարող է նվաճել տիտղոսն արդեն 32-րդ տուրում Մյոնխենգլադբախի «Բորուսիային» հաղթելու դեպքում:
Ամռանը «Բավարիայի» գլխավոր մարզիչի պաշտոնում Խոսեպ Գվարդիոլային կփոխարինի իտալացի Կարլո Անչելոտին:
Հետևեք NEWS.am SPORT-ին Facebook-ում, Twitter և Telegram-ում