«Գոլդեն Սթեյտը» գերազանցեց «Չիկագոյի» պատմական ռեկորդը՝ Բասկետբոլի ազգային ասոցիացիայի կանոնավոր առաջնությունն ավարտելով 73 հաղթանակով (82 խաղում):
Կանոնավոր առաջնության վերջին տուրում NBA-ի գործող չեմպիոնը տանը 125:104 հաշվով հաղթեց «Մեմֆիսին»: Հանդիպման ամենաարդյունավետ բասկետբոլիստ ճանաչվեց «Գոլդեն Սթեյտի» առաջատար Ստիվեն Կարին, որը հավաքեց 46 միավոր:
«Չիկագոն» լեգենդար Մայքլ Ջորդանի հետ պատմական ռեկորդը գրանցել էր 1995/96 մրցաշրջանում՝ 82 խաղում տանելով 72 հաղթանակ է: Հատկանշական է, որ «Գոլդեն Սթեյտի» գլխավոր մարզիչ Սթիվ Կերը 1995/96 մրցաշրջանում խաղացել է «Չիկագոյի» կազմում:
Լեգենդար Կոբի Բրայանտը կարիերայի վերջին խաղում վաստակեց 60 միավոր, որի օգնությամբ «Լեյքերսը» սեփական խաղահրապարակում հաղթեց «Յուտային»՝ 101:96: Բրայանը սահմանեց ռեկորդ՝ դառնալով NBA-ի մեկ խաղում 50-ից ավելի միավոր վաստակած ամենատարեց բասկետբոլիստը: Նա դա արեց 37 տարեկան ու 235 օրականում: Բրայանտը նաեւ ռեկորդ սահմանեց հրաժեշտի խաղում վաստակած միավորների ցուցանիշով:
Կոբի Բրայանտն ամբողջ կարիերան անցկացրել է «Լեյքերսում», որի կազմում 5 անգամ դարձել է Բասկետբոլի ազգային ասոցիացիայի չեմպիոն (2000, 2001, 2002, 2009, 2010), ինչպես նաեւ 18 անգամ մասնակցել է NBA-ի «Բոլոր աստղերի խաղին»: 2008-ին նա ճանաչվել է NBA-ի ամենաարժեքավոր խաղացող:
NBA, կանոնավոր առաջնություն
«Ֆինիքս» – «Կլիպերս»՝ 114:105 (25:27, 37:28, 23:20, 29:30)
«Պորտլենդ» – «Դենվեր»՝ 107:99 (27:31, 31:25, 29:23, 20:20)
«Գոլդեն Սթեյտ» – «Մեմֆիս»՝ 125:104 (37:23, 33:27, 32:31, 23:23)
«Լեյքերս» – «Յուտա»՝ 101:96 (19:21, 23:36, 24:18, 35:21)
Հետևեք NEWS.am SPORT-ին Facebook-ում, Twitter և Telegram-ում