13:45  ,  3 մարտի, 2016

ՖԻՖԱ. Հայաստանի հավաքականն առաջադիմել է

Ֆուտբոլի Հայաստանի ազգային հավաքականը ՖԻՖԱ-ի դասակարգման աղյուսակում առաջադիմել է 7 աստիճան եւ հայտնվել 116-րդ տեղում, թեեւ նախորդ հրապարակումից հետո չի անցկացրել խաղեր: Հայաստանի թիմն ունի վարկանիշային 296 միավոր:

Դասակարգման լավագույն տասնյակում փոփոխություններ չկան: Առաջին տեղը պահպանել է Բելգիայի հավաքականը, որին հաջորդում են արգենտինացիները եւ իսպանացիները, իսկ աշխարհի չեմպիոն Գերմանիան չորրորդ տեղում է:

Լավագույն տասնյակում են նաեւ՝ Չիլին, Բրազիլիան, Պորտուգալիան, Կոլումբիան, Անգլիան ու Ավստրիան:

Աշխարհի 2018թ. առաջնության ընտրական փուլում Հայաստանի հավաքականի մրցակիցներից Ռումինիան 16-րդն է, Լեհաստանը՝ 31-րդը, Դանիան՝ 40-րդը, Չեռնոգորիան՝ 84-րդը, իսկ Ղազախստան՝ 125-րդը:

Հիշեցնենք, որ Հայաստանի հավաքականը հաղթանակ չի տարել նախորդ 13 խաղերում՝ սահմանելով թիմի պատմության հակառեկորդ: Հայկական թիմը մարտի 25-ին Երեւանի «Հանրապետական» ստադիոնում ընկերական խաղ է ացնկացնելու Բելառուսի հավաքականի հետ, որը 64-րդն է ՖԻՖԱ-ի դասակարգման աղյուսակում:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով