Ֆուտբոլի Չեմպիոնների լիգայի H խմբից «Զենիթի» հետ փլեյ-օֆֆ դուրս եկավ բելգիական «Գենտը», որը վերջին տուրում 2:1 հաշվով հաղթեց 5 անընդմեջ հաղթանակ տարած ռուսական ակումբին:
Խմբի մյուս խաղում իսպանական «Վալենսիան» տանը 0:2 հաշվով պարտվեց ֆրանսիական «Լիոնին» եւ, բավարարվելով երրորդ տեղով, նվաճեց Եվրոպայի լիգայի ուղեգիր:
«Գենտն» առաջին բելգիական ակումբն է, որը կխաղա Չեմպիոնների լիգայի փլեյ-օֆֆում:
G խմբից 1/8 եզրափակիչ դուրս եկան Լոնդոնի «Չելսին» ու Կիեւի «Դինամոն», իսկ պորտուգալական «Պորտուն» վերջին տուրի արդյունքում հայտնվեց երրորդ տեղում եւ կխաղա Եվրոպայի լիգայում: «Չելսին» տանը 2:0 հաշվով հաղթեց «Պորտուին», որի պարտությունից օգտվեց «Դինամոն»: Ուկրաինական ակումբը սեփական խաղադաշտում նվազագույն հաշվով հաղթեց Թել Ավիվի «Մաքաբիին» եւ, մեկ միավոր գերազանցելով պորտուգալական ակումբին, խմբում գրավեց երկրորդ տեղը:
Չեմպիոնների լիգա, 6-րդ տուր
G խումբ
«Չելսի» (Անգլիա) - «Պորտու» (Պորտուգալիա)՝ 2:0
Իվան Մարկանո, 12 (ինքնագոլ), Վիլիան, 52
«Դինամո» (Կիեւ, Ուկրաինա) - «Մաքաբի» (Թել Ավիվ, Իսրայել)՝ 1:0
Դենիս Գարմաշ, 16
H խումբ
«Գենտ» (Բելգիա) - «Զենիթ» (Ռուսաստան)՝ 2:1
Լորեն Դեպոյտ, 18, Դանիել Միլիչեւիչ, 78 – Արտյոմ Ձյուբա, 65
«Վալենսիա» (Իսպանիա) - «Լիոն» (Ֆրանսիա)՝ 0:2
Մաքսվել Կորնյե, 37, Ալեքսանդր Լակազեթ, 76
Հետևեք NEWS.am SPORT-ին Facebook-ում, Twitter և Telegram-ում