18:57  ,  5 նոյեմբերի, 2015

ՖԻԴԵ նախագահն ու Սերժ Սարգսյանը քննարկել են հավակնորդների մրցաշարին վերաբերող հարցեր

Աշխատանքային այցով Երեւան ժամանած ՖԻԴԵ նախագահ Կիրսան Իլյումժինովը հանդիպել է Հայաստանի նախագահ, Հայաստանի շախմատի ֆեդերացիայի ղեկավար Սերժ Սարգսյանի հետ: Նրանք քննարկել են շախմատի աշխարհի չեմպիոնի հավակնորդների մրցաշարին վերաբերող հարցեր, հաղորդում է ՖԻԴԵ կայքը:

Կիրսան Իլյումժինովը տեղեկացրել է, որ նախատեսվածի նման մրցաշարը կանցկացվի 2016թ. գարնանը Մոսկվայում: Կազմակերպիչներն են ՖԻԴԵ-ն եւ AGON ընկերությունը՝ Ռուսաստանի շախմատի ֆեդերացիայի աջակցությամբ: Մրցաշարի գործընկերն է «Տաշիր» ընկերությունների խումբը: Մասնակցության հրավեր է ստացել Հայաստանի հավաքականի առաջատար Լեւոն Արոնյանը, որը չուներ մրցաշարի ուղեգիր:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով