Եվրոպայի լիգա. «Բորուսիան» վերջին վայրկյաններին հաղթանակ կորզեց «Կրասնոդարից»

Ֆուտբոլի Եվրոպայի լիգայի խմբային մրցաշարի առաջին տուրում Դորտմունդի «Բորուսիան» ընդունեց ռուսական «Կրասնոդարին» եւ հաղթեց 2:1 հաշվով:

Պավել Մամաեւի գոլին Թոմաս Տուխելի գլխավորած թիմը առաջին խաղակեսի վերջին րոպեին պատասխանեց Մատիաս Գինտերի դիպուկ հարվածով: Երկրորդ խաղակեսին ավելացված երրորդ րոպեին Պարկը Գինտերի փոխանցումից հետո խփեց դաշտի տերերի հաղթական գնդակը:

«Բորուսիայի» կազմում ամբողջ հանդիպումն անցկացրեց Հայաստանի հավաքականի կիսապաշտպան Հենրիխ Մխիթարյանը:

C խմբի մյուս խաղում գրանցվեց ոչ ոքի: Ադրբեջանական «Գաբալայի» եւ հունական ՊԱՕԿ-ի դիմակայություն գոլ չեղավ:

Եվրոպայի լիգա, առաջին տուր

C խումբ

«Բորուսիա Դ.» - «Կրասնոդար»՝ 2:1

Մատիաս Գինտեր, 45+1, Պարկ, 90+3 - Պավել Մամաեւ, 12

«Գաբալա» - ՊԱՕԿ՝ 0:0

Հետևեք NEWS.am SPORT-ին Facebook-ում, Twitter և Telegram-ում