Հայ ըմբիշների բոլոր գոտեմարտերն աշխարհի առաջնության երկրորդ օրը

Լաս Վեգասում շարունակվող հունահռոմեական ըմբշամարտի աշխարհի առաջնության երկրորդ օրը պայքարի մեջ մտած Հայաստանի չորս ըմբիշները մեդալներ չէին նվաճել:

59 կգ քաշային կարգում Ռոման Ամոյանը մեկ հաղթանակ տանելուց հետո 1/16 եզրափակիչում պարտություն կրեց ուզբեկ Էլմուրատ Տասմուրադովից՝ 3:8:

71 կգ քաշային Վարշամ Բորանյանը եւս մեկնարկեց հաղթանակով, բայց 1/8 եզրափակիչում 0:5 հաշվով պարտվեց Ղրղզստանի ներկայացուցիչ Կայրաթբեկ Տուգոլբաեւին:

80 կգ քաշային Էդուարդ Սարգսյանը հաղթեց որակավորման փուլում, իսկ 1/8 եզրափակիչում 2:7 հաշվով պարտվեց ռուսաստանցի Եվգենի Սալեեւին:

130 կգ քաշային Էդգար Խաչատրյանը 2:4 հաշվով պարտվեց Բրազիլիայի ներկայացուցիչ Էդուարդ Սողոմոնյանին, որը պարտություն կրեց հաջորդ գոտեմարտում:

Քանի որ Հայաստանի ներկայացուցիչներին հաղթած մարզիկներին չհաջողվեց դուրս գալ եզրափակիչ, հայ ըմբիշները զրկվեցին նաեւ բրոնզե մեդալների համար պայքարելու հնարավորությունից: 

Տեսանյութերում ներկայացված են հայ ըմբիշների գոտեմարտերը:

Ռոման Ամոյան – Վիկտոր Չիոբանու (Մոլդովա) - 8:2

Ռոման Ամոյան – Էլմուրատ Տասմուրատով (Ուզբեկստան) - 3:8

Վարշամ Բորանյան – Յեոնգեոն Լի (Հարավային Կորեա) - 5:1

Վարշամ Բորանյան – Կայրաթբեկ Տուգոլբաեւ (Ղրղզստան) - 0:5

Էդուարդ Սարգսյան – Միչել Վագներ (Ավստրիա) - 6:5

Էդուարդ Սարգսյան – Եվգենի Սալեեւ (Ռուսաստան) - 2:7

Էդգար Խաչատրյանը - Էդուարդ Սողոմոնյան (Բրազիլիա) - 2:4

Հետևեք NEWS.am SPORT-ին Facebook-ում, Twitter և Telegram-ում