Լաս Վեգասում ընթացող հունահռոմեական ըմբշամարտի աշխարհի առաջնությունում 66 կգ քաշային Միհրան Հարությունյանը կիսաեզրափակիչում պարտություն կրեց կորեացի Հանսու Ռյուից։ Սակայն վճռական եղավ մրցագորգի մրցավարի կողմնակալ մրցավարությունը։
Գոտեմարտն ավարտվեց 4:4 հաշվով: Միհրան Հարությունյանն ուներ մեկ նկատողություն ավելի, եւ նրան գրանցվեց պարտություն: Հայ ըմբիշը վերջնամասում գոտեմարտում էր վիրակապված աչքով:
Քառորդ եզրափակիչում Միհրան Հարությունյանը ոչ մի շանս չէր տվել վրացի Շմագի Բոլկվաձեին: Ժամանակից շուտ ավարտված գոտեմարտում Հարությունյանը հաղթել էր 10:1 հաշվով:
1/8 եզրափակիչի գոտեմարտում հայ մարզիկը 4:1 հաշվով առավելության էր հասել հունգարացի Տամաշ Լորինչի նկատմամբ:
1/16 եզրափակիչում Միհրան Հարությունյանը գոտեմարտել էր հույն Մատիաս Վլադիմիրոսի հետ եւ պարտության մատնել 9:0 հաշվով: Հայ ըմբիշը նույն հաշվով հաղթանակ էր տարել նաեւ առաջին գոտեմարտում: Միհրան Հարությունյանի առաջին մրցակիցը Հոնդուրասի ներկայացուցիչ Ջեֆրին Բենիտոն էր:
Հետևեք NEWS.am SPORT-ին Facebook-ում, Twitter և Telegram-ում