Շումախերի առողջության մասին լուրեր տարածողները խնդիրներ կունենան

Ֆորմուլա-1-ի յոթակի չեմպիոն Միխայել Շումախերի մենեջեր Սաբինա Կեմն արգելել է լրագրողներին լուրեր տարածել լեգենդար ավտոարշավորդի առողջության մասին, հաղորդում է inautonews-ը։

Կեմը գերմանական եւ շվեյցարական լրատվամիջոցներին պարբերաբար ուղարկում է նամակներ՝ սպառնալով դատավարություններով, եթե հրապարակվեն Շումախերի առողջության մասին մանրամասներ։

Կեմը նաեւ Շումախերի առանձնատան սպասարկող աշխատակազմի հետ ստորագրել է պայմանագրեր, որոնցով արգելվում է կոնֆիդենցիալ ինֆորմացիայի տարածումը։

Շումախերն այժմ վերականգնողական փուլ է անցնում Շվեյցարիայում, գլխուղեղի ծանր վնասվածքից հետո։

Հետևեք NEWS.am SPORT-ին Facebook-ում, Twitter և Telegram-ում