«Համբուրգը» եւ Դորտմունդի «Բորուսիան» ոչ ոքիով բաժանվեցին գերմանական Բունդեսլիգայի 24-րդ տուրում: Համբուրգում գրանցվեց 0:0 հաշիվը:
Հայաստանի հավաքականի կիսապաշտպան Հենրիխ Մխիթարյանը «Բորուսիայի» մեկնարկային կազմում էր եւ խաղաց 75 րոպե: Առաջին խաղակեսում հյուրերն ունեին ոչ մեծ տարածքային առավելություն, բայց 2 թիմերն էլ ստեղծեցին մեկական գոլային պահեր: Ընդմիջումից հետո «Համբուրգն» ավելի մեծ ուժեր էր կենտրոնացրել պաշտպանությունում, իսկ «Բորուսիայի» գրոհները վտանգավոր չէին ստացվում: 63-րդ րոպեին Մխիթարյանը ստացավ դեղին քարտ, իսկ 13 րոպե անց փոխարինվեց: Վերջնամասում Յուրգեն Կլոպի թիմը մեծացրել էր ճնշումը, սակայն հաղթանակ կորզել չհաջողվեց:
Առաջատար Մյունխենի «Բավարիան» գերմանացի կիսապաշտպան Թոմաս Մյուլերի դուբլի օգնությամբ 3:1 հաշվով կամային հաղթանակ տարավ «Հանովերի» նկատմամբ, իսկ «Վոլֆսբուրգը» հյուրընկալվելիս նվազագույն հաշվով պարտվեց «Աուգսբուրգին»:
Այս տուրից հետո «Բավարիայի» եւ երկրորդ տեղում ընթացող «Վոլֆսբուրգի» միջեւ միավորների տարբերությունը հասավ 11-ի: Նախորդ 4 տուրերում հաղթած Դորտմունդի «Բորուսիան» 29 միավորով մնաց 10-րդ տեղում:
Գերմանիայի առաջնություն, 24-րդ տուր
«Համբուրգ» - «Բորուսիա Դ.»՝ 0:0
«Հանովեր» - «Բավարիա»՝ 1:3
Հիրոշի Կիյոտակե, 25 – Խաբի Ալոնսո, 28, Թոմաս Մյուլեր, 61 (11մ.), 72
«Աուգսբուրգ» - «Վոլֆսբուրգ»՝ 1:0
Դոմինիկ Խոր, 63
«Ֆրայբուրգ» - «Վերդեր»՝ 0:1
Ֆրանկո Դի Սանտո, 35
«Շալկե» - «Հոֆենհայմ»՝ 3:1
Կրիստիան Ֆուքս, 12, Մաքս Մայեր, 41, 53 – Կեւին Ֆոլանդ, 73
Հետևեք NEWS.am SPORT-ին Facebook-ում, Twitter և Telegram-ում