Ֆուտբոլի 1998թ. աշխարհի չեմպիոն, Ֆրանսիայի ազգային հավաքականի նախկին կիսապաշտպան Ալեն Բոգոսյանը հրաժարվել է գլխավորել ֆրանսիական «Դիժոնը», որն առաջնությունն ավարտեց 19-րդ տեղում:
«Դիժոնի» մարզական տնօրեն Սեբաստյան Պերեսը բանակցություններ է վարել 41-ամյա մասնագետի հետ, սակայն Բոգոսյանը հրաժարվել է՝ հայտարարելով, որ այս պահին մտածում է միայն Ուկրաինայում եւ Լեհաստանում կայանալիք Եվրո-2012-ի մասին, հաղորդում է L`Equipe-ը:
Հիշեցնենք, որ Ալեն Բոգոսյանը Ֆրանսիայի ազգային հավաքականի գլխավոր մարզիչ Լորան Բլանի օգնականն է:
Հետևեք NEWS.am SPORT-ին Facebook-ում, Twitter և Telegram-ում