Ֆորմուլա-1-ի Կանադայի Գրան պրին (7-րդ փուլ) ավարտվեց «Ռեդ Բուլի» արշավորդ Դանիել Ռիկյարդոյի հաղթանակով: Սա ավստրալացու առաջին հաղթանակած Գրան պրին է կարիերայում: Այս մրցաշրջանում առաջին անգամ չհաղթեց «Մերսեդեսը», որի արշավորդ Նիկո Ռոսբերգը գրավեց երկրորդ տեղը: Երրորդ տեղում «Ռեդ Բուլի» ներկայացուցիչ Սեբաստիան Ֆետելն է:
Վերջնագիծ չեն հասել Գուտյերեսը («Զաուբեր»), Գրոժանը («Լոտուս»), Կվյատը («Տորո Ռոսո»), Հեմիլթոնը («Մերսեդեսը»), Կոբայասին («Կատերհեմ»), Մալդոնադոն («Լոտուս»), Էրիքսոնը («Կատերհեմ»), Չիլթոնը (Մարուսյա), Բյանկին («Մարուսյա):
Ընդհանուր հաշվարկը 122 միավորով գլխավորում է Նիկո Ռոսբերգը: Երկրորդ տեղում Լյուիս Հեմիլթոնն է՝ 118:
Հետևեք NEWS.am SPORT-ին Facebook-ում, Twitter և Telegram-ում