Շումախերի առողջական վիճակի բարելավման մասին լուրերը չեն հաստատվել

Լուրերը, թե Ֆորմուալ-1-ի յոթակի չեմպիոն Միխայել Շումախերը դուրս է եկել դեղորայքային արհեստական կոմայից չեն հաստատվել: Գերմանական Bild-ը հերքել է իսպանական լրատվամիջոցների տարածած լուրը՝ հղում անելով լեգենդար ավտոարշավորդի մենեջեր Սաբինա Կեմին, որը Bild-ի լրագրող Նիկոլա Պոլին ուղարկած հաղորդագրություն հերքել է տարածված լուրերը: Ավելի վաղ նշվել էր, որ 45-ամյա գերմանացին գիտակից վիճակում է եւ  ճանաչել է կնոջը։

Հիշեցնենք, որ Միխայել Շումախերի հետ դժբախտ դեպքը տեղի էր ունեցել 2013-ի դեկտեմբերի 29-ին: Նա Մերիբելում լեռնադահուկով սահելիս ընկնել էր եւ ստացել ծանր գլխուղեղային վնասվածք։ Այս ընթացքում նա ենթարկվել է երկու վիրահատության։

Հետևեք NEWS.am SPORT-ին Facebook-ում, Twitter և Telegram-ում