Մառախուղի պատճառով հետաձգված բիատլոնի կանանց 12.5 կմ միաժամանակյա ընդհանուր մեկնարկով մրցավազքում հաղթեց բելառուս Դարյա Դոմրաչեւան, որը Սոչիի 22-րդ ձմեռային օլիմպիական խաղերում նվաճեց արդեն երրորդ ոսկե մեդալը: Բելառուսն ունի չորս ոսկե մեդալ: Դոմրաչեւան առաջին կին բիատլոնիստն է, ում հաջողվում է մեկ ձմեռային Խաղերի ընթացքում երեք ոսկե մեդալ նվաճել անհատական մրցաձեւերում: Միակ տղամարդ բիատլոնիստը, որ հասել է այս արդյունքին, նորվեգացի Ուլե-Էյնար Բյոռնդալենն է:
Երկրորդ տեղը գրավեց չեխ Գաբրիելա Սոուկալովան, բրոնզե մեդալը նվաճեց նորվեգացի Տիրիլ Էկհոֆը:
22-րդ ձմեռային օլիմպիական խաղեր
Բիատլոն, 12.5 կմ, միաժամանակյա ընդհանուր մեկնարկ, կանայք
1. Դարյա Դոմրաչեւա (Բելառուս)՝ 35:25.6
2. Գաբրիելա Սոուկալովա (Չեխիա)՝ 35:45.8
3. Տիրիլ Էկհոֆ (Նորվեգիա)՝ 35:52.9
Հետևեք NEWS.am SPORT-ին Facebook-ում, Twitter և Telegram-ում