Թուրքիայի Անթալիա քաղաքում ընթացող շախմատի տղամարդկանց աշխարհի թիմային առաջնության երրորդ տուրում Հայաստանի հավաքականը 2.5։1։5 հաշվով հաղթեց ԱՄՆ-ի թիմին։
Շախմատի Համաշխարհային Օլիմպիադայի եռակի չեմպիոն Հայաստանի հավաքականի առաջատար Լեւոն Արոնյանը հաղթել է Հիկարու Նակամուրային, Գաբրիել Սարգսյանը ոչ ոքի է խաղացել Վարուժան Հակոբյանի, Սերգեյ Մովսիսյանը՝ Գատա Կամսկիի, իսկ Վլադիմիր Հակոբյանը՝ Ալեքսանդր Օնիշչուկի հետ։
Հայաստանը 5 միավորով երկրորդ տեղում է: Առաջատարը Ուկրաինան է, որը 2.5:1.5 հաշվով հաղթեց Ադրբեջանին եւ ունի 6 միավոր:
Չորրորդ տուրում Հայաստանի հավաքականի մրցակիցը կլինի Չինաստանի թիմը։
Հիշեցնենք, որ Հայաստանի հավաքականն առաջին տուրում ոչ ոքի էր խաղացել Ռուսաստանի հետ, իսկ երկրորդ տուրում հաղթել Եգիպտոսին։
NEWS.am Sport-ը շախմատի աշխարհի թիմային առաջնությունը լուսաբանում է հայաստանյան «Վիվառո» բուքմեյքերական ընկերության աջակցությամբ։
Հետևեք NEWS.am SPORT-ին Facebook-ում, Twitter և Telegram-ում