Կիրքը, հպարտությունն ու հաղթանակի ծարավը վճռեցին հանդիպման արդյունքը, Չեմպիոնների լիգայի եզրափակիչ դուրս գալուց հետո հայտարարել է Լոնդոնի «Չելսիի» գլխավոր մարզիչի պաշտոկատար Ռոբերտո Դի Մատեոն, փոխանցում է ՈւԵՖԱ-ի կայքը: Լոնդոնցիների մարզիչն ամփոփել է «Բարսելոնայի» հետ կիսաեզրափակիչի պատասխան հանդիպումը (2:2):
«Բացառիկ նվաճում է այս կոլեկտիվի համար: Շատերը վաղօրոք մեզ հաշվից հանել էին, սակայն ֆուտբոլիստներն բնավորություն ցույց տվեցին: Բնականաբար, մենք չէինք սպասում, որ հանդիպման կեսը կանցկացնենք տասը ֆուտբոլսիտներով: Այդ պատճառով ամեն ինչ դասավորվեց մեր սպասածից ավելի բարդ: «Բարսելոնան» գերազանց թիմ է, որն ունի ֆանտաստիկ ֆուտբոլիստներ: Բայց այսօր ցույց տվեցինք, թե ինչից ենք մենք: Այս մրցաշրջանը շատ ծանր ստացվեց մեզ համար, բայց ամեն անգամ, երբ անհրաժեշտ էր` մենք անում էին ինչ-որ հատուկ բան: Ռամիրեսի գոլն առանցքային էր: Մինչեւ հանդիպումը մենք ասում էինք, թե ինչքան կարեւոր կլինի գնդակ խփել, եւ մենք դա արեցիքն: Մենք երբեք չէինք կորցնում հավատն ընդհանուր հաղթանակին:
Երկրորդ խաղակեսն իմաստ չունի վերլուծել մարտավարության տեսանկյունից: Ամեն ինչ վճռեցին կիրքը, հպարտությունը եւ հաղթանակի ծարավը: Բոլորը երազում էին դուրս գալ եզրափակիչ: Մենք գիտեինք, որ բաղձալի նպատակին մնացել է 45 րոպե: Ես շատ ուրախեմ իմ ֆուտբոլիստների համար: Սա զարմանալի արդյունք է, իսկ եզրափակիչի մասին կմտածենք, երբ գա ժամանակը:
«Բարսելոնան» մոլորակի լավագույն թիմն է: Ֆանտաստիկ թիմ է: Պարզապես մենք պաշտպանվում էինք ամբողջ ուժով եւ դրսեւորեցինք հաղթանակի հասնելու կամք: Գուցե, հաջողությունը եւս մեր կողմն էր: Բայց առանց հաջողության ոչ մի տիտղոս էլ չես նվաճի»,- ասել է Ռոբերտո Դի Մատեոն:
Հետևեք NEWS.am SPORT-ին Facebook-ում, Twitter և Telegram-ում
09:05 , 5 մայիսի 
01:05 , 5 մայիսի 
00:52 , 5 մայիսի 
00:46 , 5 մայիսի 
00:25 , 5 մայիսի 
00:13 , 5 մայիսի 
22:44 , 4 մայիսի 
22:33 , 4 մայիսի 
21:49 , 4 մայիսի 
20:13 , 4 մայիսի 
