Հայրս մահացել է, իսկ «Ռահ Ահանը» չի ցանկանում վերադարձնել անձնագիրս, որպեսզի մեկնեմ Հայաստան եւ ներկա լինեմ հուղարկավորության արարողությանը: Այդքանից հետո չեմ կարող մնալ այս ակումբում:
Այս մասին NEWS.am Sport-ի թղթակցի հետ զրույցում ասաց ֆուտբոլի Հայաստանի ազգային հավաքականի պաշտպան Վալերի Ալեքսանյանը, ով պատմեց իրանական «Ռահ Ահանի» հետ պայմանագիրը խզելու մասին:
«Մենք երկկողմանի փոխհամաձայնությամբ ենք խզել պայմանագիրը, սակայն դա եղել է մեր միջեւ ծագած վեճի պատճառով: Ես եմ ցանկացել հեռանալ թիմից: Հայրս մահացել է, իսկ նրանք անձնագրի հետ կապված խնդիրներ են առաջ քաշում՝ նշելով, որ այժմ աշխատանքային վիզաս կիսատ է եւ Հայաստան մեկնելու դեպքում այն չեղյալ կհայտարարվի: Դա զայրացրեց ինձ, քանի որ պարտադիր պետք է մեկնեմ Հայաստան:
Արդեն լիովին ապաքինվել եմ ծնկի վնասվածքից: 2 օր առաջ մարզիչը զրուցեց ինձ հետ՝ նշելով, որ պետք է փոխարինեմ թիմից հեռացող Մարկոսին եւ հանդես գամ հենակետային կիսապաշտպանի դիրքում: Նա ասաց, որ մեծ հույսեր է կապում ինձ հետ, իսկ ես համաձայնվեցի: Հորս մահվանից հետո ես խնդրեցի վերադարձնել անձնագիրս, որպեսզի մեկնեմ Հայաստան: Ես 3 օր ժամանակ տվեցի նրանց, սակայն նրանք ձգձգում էին: Այդքանից հետո չեմ կարող մնալ այդ ակումբում: Այժմ Իրանում եմ եւ սպասում եմ անձնագրիս՝ Հայաստան վերադառնալու համար»,- զրույցում հայտնեց Ալեքսանյանը:
Հիշեցնենք, որ Վալերի Ալեքսանյանը 2013-ի ամռանը մեկ տարվա պայմանագիր էր կնքել «Ռահ Ահանի» հետ: Մինչեւ այդ նա խաղում էր իրանական «Սանաթ Նավթում»: Հայաստանի հավաքականի կազմում Ալեքսանյանը մասնակցել է 27 խաղի:
Հետևեք NEWS.am SPORT-ին Facebook-ում, Twitter և Telegram-ում
01:19 , 4 մայիսի 
00:59 , 4 մայիսի 
23:47 , 3 մայիսի 
23:37 , 3 մայիսի 
23:13 , 3 մայիսի 
22:04 , 3 մայիսի 
21:00 , 3 մայիսի 
20:01 , 3 մայիսի 
19:34 , 3 մայիսի 
19:18 , 3 մայիսի 
