Ռուսաստանի ծանրորդները Լոնդոնի Օլիմպիական խաղերում նպատակ ունեն նվաճել երկուական ոսկե, արծաթե եւ բրոնզե մեդալ: Այդ մասին Անթալիայում ավարտված Եվրոպայի առաջնությունից հետո ասել է թիմային հաշվարկում հաղթած ծանրամարտի տղամարդկանց Ռուսաստանի հավաքականի գլխավոր մարզիչ Դավիդ Ռիգերտը:
«Եվրոպայի առաջնության արդյունքից գոհ եմ: Սակայն Լոնդոնի Օլիմպիական խաղերի հետ անալոգիա տեսնել պետք չէ: Անթալիայում հանդես էր գալիս Ռուսաստանի երկրորդ կազմը:
Մենք նախատեսում ենք Լոնդոնում նվաճել երկուական ոսկե, արծաթե եւ բրոնզե մեդալ: Կարծում եմ` մենք ի վիճակի ենք հասնել այդ նպատակին: Ռուսաստանի օլիմպիական հավաքականի վերջնական կազմը հայտնի կդառնա շուտով կայանալիք Ռուսաստանի առաջնության արդյունքում»,- ասել է Դավիդ Ռիգերտը Sovsport-ին:
Հետևեք NEWS.am SPORT-ին Facebook-ում, Twitter և Telegram-ում