«Դինամո» - «Շախտյոր» խաղը ռեկորդ է սահմանել

Ուկրաինական Պրեմյեր լիգայի 23-րդ տուրի կոնտորնական խաղը Կիեւի «Դինամոյի» եւ Դոնեցկի «Շախտյորի» միջեւ մրցաշարի հաճախելիության ռեկորդ է սահմանել, տեղեկացնում է Чемпионат.com-ը:

Կիեւի «Օլիմպիական» ստադիոնում կայացած խաղին ներկա է եղել 68 837 երկրպագու, ինչը նշանակում է, որ զբաղված է եղել ստադիոնի տեղերի 99 տոկոսը:

Նախորդ ռեկորդը գրանցվել էր 2012-ի մարտին, երբ «Օլիմպիական» ստադիոնում «Դինամոյի» եւ «Դնեպրի» խաղին ներկա էր եղել 68 014 երկրպագու:

Ֆուտբոլի Ուկրաինայի առաջնության բացարձակ ռեկորդը գրանցվել է 2001-ին, երբ Պրեմյեր լիգան դեռ չէր հիմնադրվել: Այդ տարի «Դինամո» - «Շախտյոր» խաղին ստադիոնից հետեւել են 73 500 երկրպագուներ:

Հետևեք NEWS.am SPORT-ին Facebook-ում, Twitter և Telegram-ում