10:29  ,  20 նոյեմբերի, 2026

Total Chess. Եզրափակիչ փուլի առաջին խաղային օրը՝ Հայկ Մարտիրոսյանի հաղթանակով

Հունգարիայի մայրաքաղաք Բուդապեշտում ընթացող «Total Chess World Championship Tour Pilot 2026» շախմատի մրցաշարի եզրափակիչ փուլի առաջին խաղային օրը Հայաստանի առաջատար շախմատիստ Հայկ Մարտիրոսյանը 14.5։5.5 հաշվով հաղթանակ է տարել հնդիկ գրոսմայստեր Արջուն Էրիգաիսիի նկատմամբ։ Շախմատիստները մրցում են 9-րդ տեղի համար։

Եզրափակիչ փուլն անցկացվում է նոյեմբերի 19-20-ին։ Յուրաքանչյուր օր շախմատիստները խաղում են 7 պարտիա՝ 4-ը՝ կայծակնային, 2-ը՝ արագ և 1-ը՝ դասական։

Կայծակնային շախմատում ամեն հաղթանակի համար մասնակիցները վաստակում են 1 միավոր, արագ շախմատում՝ 4, իսկ դասական շախմատում՝ 8 միավոր, հաղորդում է ՀՇՖ-ի մամուլի ծառայությունը։

Դասական շախմատի առաջին պարտիան ավարտվել է Հայկ Մարտիրոսյանի հաղթանակով։

Նոյեմբերի 20-ին՝ Հայաստանի ժամանակով 18։00-ին, Հայկ Մարտիրոսյանը և Արջուն Էրիգաիսին կշարունակեն իրենց պայքարը

Հետևեք NEWS.am SPORT-ին Facebook-ում, Twitter և Telegram-ում